မီးပျက်ပျက် မီးလာလာ ရန်ကုန်မြို့ ရေလုံလောက်စေရေး အဝီစိတွင်း ၁၀၅ တွင်း တူးဖော်ပြီ
ရန်ကုန်တစ်မြို့လုံး လျှပ်စစ်မီး ပြတ်တောက်ချိန်၌ ရေရရှိနိုင်စေရန် ရန်ကုန်
တစ်မြို့လုံး၌ အဝီစိတွင်း ၁၀၅ တွင်း တူးဖော်လျက်ရှိကြောင်း ရန်ကုန်မြို့တော်
စည်ပင်သာယာရေးကော်မတီဥက္ကဋ္ဌ မြို့တော်ဝန်ဗိုလ်မှူးချုပ်အောင်သိန်းလင်းက
အောက်တိုဘာ ၃၁ ရက်နေ့တွင် သတင်းထောက်များအား ပြောကြားခဲ့သည်။
“ လျှပ်စစ်မီး ရတဲ့အချိန်မှာ လည်းရှိပြီး သားရေပိုက်လိုင်းတွေကနေ အားဖြည့်ပြီး
အဝီစိတွင်းရေကို ပေးမယ်။ လျှပ်စစ်မီးမရတဲ့အချိန်မှာဒီဇယ်ဆီနဲ့ မီးစက်မောင်းပြီး
ရေပိုက်လိုင်းတွေက တစ်ဆင့် ရေပေးဝေသွားမယ်။ မြို့တွင်းခြောက်မြို့နယ်ကမီး
မလာလည်းမီးစက်နဲ့ အဆင်ပြေနိုင်မယ်။မြို့နယ်အလိုက်တစ်နိုင်တစ်ပိုင်ပေးမယ်”
ဟုမြို့တော်ဝန်ကဆိုသည်။ သတ်မှတ်ထားသည့် အဝီစိတွင်း ၁၀၅ တွင်းအနက်
၈၅ တွင်းမှာ တူးဖော်ပြီးဖြစ်ပြီး တွင်း ၂၀ သာကျန်ရှိတော့ကြောင်းသိရသည်။ ရန်
ကုန်မြို့သည် ယခုအချိန်ထိဂျိုးဖြူ၊ ဖူးကြီး၊ လှော်ကားနှင့် ငမိုးရိပ် ရေလှောင်ကန်
ကြီးများမှ ရေပိုက်လိုင်းများနှင့် ပေးဝေသည့် သောက်သုံးရေများကို သုံးစွဲနေခြင်း
ဖြစ်ပြီး ၂၀၀၈ ခုနှစ် နာဂစ်မုန်တိုင်း တိုက်ခတ်ပြီးနောက်လျှပ်စစ်မီးများအချိန်ကြာ
မြင့် စွာပြတ်တောက်ခဲ့မှုကြောင့်ရေပိုက်လိုင်းများမှရေရရှိမှုပြတ်လပ်သွားခဲ့သဖြင့်
ရန်ကုန်မြို့ လူထု သောက်သုံးရေ အခက်အခဲများစွာနှင့် ရင်ဆိုင်ခဲ့ကြရကြောင်း
၂၀၀၉ခုနှစ် နိုဝင်ဘာ ၅ရက်နေ့ထုတ် Popular News ဂျာနယ်တွင်ဖော်ပြထားပါ
သည်။
Friday, November 6, 2009
Subscribe to:
Post Comments (Atom)
No comments:
Post a Comment